Қазақстан халқы Ассамблеясының жылы

Жарияланымдар

Астанада Ассамблея жылы ашылды

Алтыншы ақпан күні Астанада Қазақстан халқы Ассамблеясы жылының ашылуы өтті.

6 ақпан күні Астанада Бейбітшілік және келісім сарайында Қазақстан халқы Ассамблеясы жылының салтанатты ашылуы болып өтті. Ассамблея жылының салтанатты ашылу рәсімі Астана қаласында жергілікті уақытпен сағат 11.00-де басталды. Осыған орай Астанада ҚХА жылының туын көтеру салтанаты өтті. Бейбітшілік және келісім сарайынының алдында қоғамдық қайкаркерлер, этномәдени бірлестіктердің өкілдері, олимпиялық ойындардың чемпиондары, белсенді жастар, қала тұрғындары бас қосты.

Бейбітшілік және келісім сарайынының алдындағы алаңда «Жастар қоғамдық келісімді қолдайды» атты флеш-моб басталды. Флеш-мобқа 500-ге жуық әртүрлі ұлт өкілдері қатысты. Флеш-моб елімізде тұратын халықтар арасындағы достықтың бейнесін білдіреді.

7244878e11ef6a22f96631637b3de51d.jpg

14a90769759988ab406bb55b25cb2070.jpg

4dd2f322bbbbf4d94745d29a9b1714c6.jpg

c542f53cae2f7f9f4c4139e3ecd13d0d.jpg

0b0dc015e967ece5cff761570588d9fe.jpg

ҚХА жылының Туын көтеру рәсімі орындалғаннан кейін, қатысушылардың назарына этномәдени бірлестіктердің қолөнер шеберлері туындылары қойылған «Халық мұрасы» атты халықтық-қолданбалы өнер шеберлерінің көрме-жәрмеңкесі ұсынылды. Шағын көрмеде Қазақстанның көптеген аудандарынан келген шеберлер жиналды. Қазақ ұлттық мәдениетінің ең байырғы, аса құнды салаларының бірі — қолөнердің туындылары көрсетілді.

b56b15237033f77bd4146000458aa41d.jpg

Ұлттық кәдесыйларды жасаушы шебер, Астаналық Айнагүл Қуанғалиева 


«Негізінде, қазақ ұлттық киімі үлгісіндегі қуыршақтарды жасау — бұл менің үйреншікті ісім. Осымен 20 жылдан бері айналысып келе жатырмын. Композиция жасағанда, халқымыздың дәстүрлеріне ерекше көңіл аударамын. Бұл отбасыға арналған «Ажыратпайтын» тұмары, ол отбасының бір шаңырақтың астында тұрып жатқанын сақтайды».

e058977a1ea40115348d9868e2d98cc1.jpg

Киізден бұйым жасаугы, Шымкенттік шебер Раушан Бопанова. 

b847ea5bec44abead1e1a92abec4fa63.jpg

322e48528d0c60f301de6269360112ee.jpg

Естеріңізге сала кетейік, «Қазақстан халқы Ассамблеясы жылының басталуы» синхрон-акциясы республикамыздың барлық облыстарында қатар ұйымдастырылды.

Астанада Ассамблеяның 20 жылдығына арналған этносаралық әрекеттестікті арттыруға бағытталған ірі мәдени іс-шараларды жыл бойы өткізу жоспарланған. Мерекелік этнофестивальдар, астаналық оқушылар үшін бейбітшілік және келісім дәрістері, балалар шығармашылығының сайыстары және мемлекеттік тілді меңгеру сайыстары өткізіледі. Сонымен қатар, қалалық ЖОО мен мектептерде мәдени бірлестіктер күндері болады. 

2015 жыл елімізде Қазақстан халқы Ассамблеясының жылы болып жарияланды. Мемлекет басшысы Нұрсұлтан Назарбаев бұл туралы тиісті Жарлыққа қол қойды. Ассамблея жылы аясында қазақ хандығының 550 жылдығы да атап өтіледі. Сондай-ақ Ата заңның 20 жылдығы мен Жеңістің 70 жылдық мерейтойы да бар. 2015 жылы 1 желтоқсанда ҚХА жылының қорытындысы шығарылады.

Пікірлер

Пікір қалдыру үшін кіріңіз немесе тіркеліңіз